Gengur vonum framar

Ég er loksins búin að fá tölvuna mína úr viðgerð, þess vegna hefur ekkert heyrst í mér í nokkra daga.

Annars gengur rosalega vel með Begga. Þau sögðu að það væri nú leiðinlegt fyrir mig að þurfa að hafa hann þarna inni, en að þeim finnst svo skemmtilegt að hafa hann.  Hann er kominn með stafinn "A". Hann hefur ekki fengið einn einasta fýlukall, svo að hann er bara fyrirmyndar barn.

Þau ætla að koma því þannig fyrir að hann lendi í aðstæðum eins og t.d. í skólanum heima hjá sér, til að kenna honum að takast á við þær. Hann kemur oft heim með einhverja speki sem að hann hefur lært hjá þeim, og hann er duglegur að fara eftir þeim.

Hann var hjá sálfræðingi í gær, veit ekki ennþá hvernig það gekk, fæ að vita það fljótlega. Einn vinur hans ætlar með honum heim í sveitina  og ætlar að vera hjá okkur um helgina.

Í gær var Beggi og nokkur önnur börn með galdradót og sýndu hinum börnunum og starfsfólki galdur. Beggi fékk að fara í sund í gær, og í dag verður farið í nammi leit í fyrirtæki. 

 

 

"WE must live with the person

we make of ourselves". 

Athugasemdir

[Guðríður Hrefna Haraldsdóttir, 21.2.2007 kl. 17:22]

Frábært að það skuli ganga svona vel! Og húrra fyrir Siv og skóflustungunni líka!

[Jórunn Sigurbergsdóttir , 21.2.2007 kl. 21:20]

Gott að sjá þig aftur hér. En flott hjá Begga að fá A.